بيقولي عليها بتاخد مبتديش
بيقول علي خيرها لغيرنا
وشغالة فـ فن التطفيش
بيقول عـَ الحرة المنصورة
و جمالها منور في الصورة
باظت ومفيش
يا ابن بلدي اصحي فوق
أرفع يا مصري راسك لفوق
دا الحلوة بتفتح درعاتها لقدام ولفوق
بتقولك ع الذل مهوش راجع ولا يوم هتدوق
العيب مش فيها ولا فيا ومش أبداً فيك
العيب علي سارق أراضيها وبايع أراضيك
العيب ع الحاكم .. و الساكت والحق عليك
روح وصالحها و هي هترضي تاني عليك
مـا الكل مطنتش ومكبر وكأنها غابة
والثورة إن كانت هتحرر فالكل غلابة
ما هي مصر بتدي دايما مبتبخلش
أوعي تقول دي غبية و مبتفهمش
مـــصر بتفتحلك اراضيها لجل تعيش
كـــان فيها الظالم والسارق وطردناه
مـاهي مصر بقت جنة في ارض الله
صــدقني وشوف المصري يا محلاه
وإن كــان علي خيرها لغيرك مبتديش
لـــــــو عايز خيرها قدامك ومبتخبيش
لــولادها حبيبة وقريبة مش للتهبيش
بلدك حدوتة وغيرها العالم مبيحكيش
شوف انت كتبت كل حاجه ممكن تكون كانت بتدور فى خاطرنا مسبتش حاجه ربنا يهدى الاحوال وتنصلح بقا زهقنا وقرفنا من الطماعين واللى بيتاجرو بيها
ردحذف