الضلمة بالثورة صبحت
ألف نور على نور
يا قلب وسط الجناين
بستان محبة و زهور
محروس بلمة حبايبك
مهما تبان مكسور
و غضب يزلزل و يهدم
جبال صنعها الفجور
يهزها من عرشها
و العرش محقون غرور
حارس وطن تنتفض
و راح تعود منصور
يا مصر مش بالكلام
نبني بأيدينا القصور
ولا بالكلام يتنسي
ظلم الغبي المسعور
ابنك فداكي اتقتل
و اخواته واقفين طابور
كان حلمه يبقى حر
مايعيش فـ يوم مقهور
لو تفضلي مصدقة
هيدور عليكي الدور
و مسيره يوم يختفي
صوت العدو المأمور
و الحق بكره يبان
و هيكشفلنا المستور
ليست هناك تعليقات:
إرسال تعليق