جربي وقوللي اللي واقف
جوه زورك من زمان
اشرخي صوتك و نادي
بحس عالي مـ الميدان
رفرفي في الريح و قومي
ارفعي صوت الأدان
كوني وسط الشمس آيه
صادقة يحفرها الزمان
صدقيني مش ضروري
عشان تثوري
تفتحي كل الببان
مش ضروري تسامحي و تسيبي
أي سارق أو جبان
مش ضروري تحرقي خيوط ماضي و كان
بس لازم تقفي بتحدي في وش اللي خان
سطري حروفك لبكره
و اكتبي بالنبض فكرة
وأوعي حلمك يبقي ذكري
أو حكاية كان يا ما كان
صدقيني ..
ضروري أقولك
يا حبيبتي ..
إني محتاج للحنان
ليست هناك تعليقات:
إرسال تعليق